عايزة اتكلم عن حد عزيز عليا قوى
عايزة افضل اتكلم عنه و مابطلش كلام
لو حكيت عن حنانه و رقته و دفا احساسه و خوفه عليا
مش حلاقى كلام يوصف اللى بيا
كان بيحبنى اكتر من نفسه
كان مايفوتش يوم من غير ما يشوفنى و يطمن عليا
كان بيقوللى ارق واعذب كلام
كان بيشوف عمره ومستقبله فى عينيه
كان مالى عليا دنيتى و حياتى
كنت بحبه اكتر منه
دلوقتى بتمنى اشوفه ولو ثانية واحدة عشان اودعه
طيب اشوفه فى احلامى...
مافضلش فاضلى منه غير صورة و شوية ذكريات مشوشة
عارفة مفيش حاجة ممكن ترجعه ليا تانى
نفسى قوى اقوله واحشنى وحتفضل واحشنى لانى عارفة انك مش حترجع تانى
بحبك قوى وعارفة انك حاسس بيا بس مش قادر تقولهالى
بحبك ووحشتنى يا حبيبى..... يا باباا